لە مانگی داهاتووەوە مامەڵەی کارتی نیشتیمانیی تەنیا بە نۆرەی ئەلیکترۆنی دەکرێت

ئاڤا نیوز

لە سەرەتای مانگی داهاتووەوە بەڕێوەبەرایەتیی ڕەگەزنامە و باری شارستانیی هەولێر مامەڵەی کارتی نشتمیانی تەنیا بە نۆرەی ئەلیکترۆنی ڕایی دەکات.

چیرۆکی سەرەکی: بەهۆی تۆمارکردنی فۆڕمی نوێی خۆراک بە شێوەی ئەلیکترۆنی کە پێویستی بە کارتی نشتیمانی هەیە، هاوکات لەگەل هاتنی پشووی هاوینە قەرەباڵغی زۆر لە فەرمانگەکان دروست بووە، بۆ کەمکردنەوەی ئەو قەرەبالغیە لەسەرەتای مانگی داهاتوو کار بە سیستمی نۆرەی ئەلیکترۆنی دەکرێت.

لێدوانی فەرمی: عەمید سهێل نەجمەدین عەولا، بەڕێوەبەری ڕەگەزنامە و باری شارستانیی هەولێر بە ئاڤا میدیای گوت: پێویستە پێش سەردانی کردنی هاونشتیمانیان بۆ بەرێوەبەرایەتیی ڕەگەزنامە و باری شارستانیی هەولێر و گشت فەرمانگەکانی کارتی نشتیمانی سەر بە پارێزگای هەولێر نۆرەی ئەلکترۆنی هەبێت .

زانیاری زیاتر: ئەم بڕیارە لە ڕۆژی یەکشەمە بەرواری 2025-06-01، دەچێتە بواری جێبەجێ کردن.

ژمارەکان وادەڵێن: لە سنووری پارێزگای هەولێر 30 فەرمانگەی کارتی نشتیمانی هەن و تا ئێستا زیاتر لە دوو ملیۆن و 200 هەزار کەس کارتی نیشتمانییان وەرگرتووەتەوە.

بۆچی گرنگە: بە جێبەجێکردنی ئەم بڕیارە قەرەبالغی فەرمانگەکان کەم دەبێتەوە و هاونشتیمانیانیش ئاسانتر مامەڵەکانیان ڕایی دەکرێت.

گۆشەیەکی دیکەی دیمەنەکە: بۆ ئەو کەسانەی کارتی نشتیمانیان پارێزگاکانی دیکەی عێراقە دەتوانن بە نۆرەی ئەلیکترۆنی مامەڵەکانیان لە بەشی تۆماری ناوەندی فەرمانگەکانی سنووری پارێزگای هەولێر ڕایی بکەن.

لینکی تۆماری ئەلیکترۆنی بۆ هەردوو سیستمی ANDROID  و IOS

ios

البطاقة الوطنية on the App Store

ANDROID  
البطاقة الوطنية - Apps on Google Play