بەشە ڕاوێژكارییەكان و هۆڵەكانی نەشتەرگەری لە نەخۆشخانەی ڕزگاریی هەولێر دادەخرێن

ئاڤا نیوز

دانیشتووانی شاری هەولێر ئاگادار دەكرێنەوە كە سەرجەم بەشە ڕاوێژكارییەكان و هۆڵەكانی نەشتەرگەریی نەخۆشخانەی ڕزگاریی هەولێر بۆ ماوەی هەفتەیەك بە هۆی نۆژەنكردنەوەوە دادەخرێن.

بڵاوكراوەی فەرمی: نەخۆشخانەی ڕزگاریی هەولێر بڵاوی كردەوە: ئاگاداری هاووڵاتیان دەکەینەوە  کە لە ڕۆژی سێشەمەوە 2025-06-03، تاوەکوو ڕۆژی دووشەممە  2025-06-09، سەرجەم ڕاوێژکارییەکانی ناو نەخۆشخانەی ڕزگاری و هۆڵەکانی نەشتەرگەری دادەخرێن بەمەبەستی نۆژەنکردنەوە.

زانیاریی زیاتر: نەخۆشخانەكە ئاماژەی بە ئەوە داوە كە بەشی فریاکەوتنی نەخۆشخانە بۆ ماوەی 24 کاتژمێر و بەبێ دابڕان بۆ خزمەتگوزاریی تەندروستیی لە خزمەت هاووڵاتیان دەبێت، هەروەها سەرجەم بەشەکانی (نەشتەرگەری فریاکەوتن، سەنتەری هەرس و جگەر، سەنتەری ئۆنکۆلۆجی (شێرپەنجە)، سەنتەری هاوچەرخ ، سەنتەری هەناسە ،کۆگای دەرمان، دەرمانخانەی فریاکەوتن، تیشکی لەرەلەری موگناتیسی (MRI) و تیشکی (CT Scan) بەردەوامن لە کارەکانیان و ڕاییکردنی کاروباری نەخۆش و هاووڵاتیان.

باكگراوند: نەخۆشخانەی رزگاری فێرکاری گەورەترین نەخۆشخانەی گشتیی فێرکاریی پارێزگای هەولێرە، کۆی ژمارەی قەرەوێڵەی هەموو بەشەکانی دەگاتە 500 قەرەوێڵە، لەو ژمارەیە (8) دانەیان تایبەتە بە چاودێریی چڕ و (27) قەڕەوێڵەی بۆ نەخۆشییەکانی گرێ (ئۆنکۆلۆژی) تەرخانکراوە، نەخۆشخانە (14) بەشی کلینیکی هەناوی و نەشتەرگەری لەخۆ دەگرێت.