لە سێ ڕۆژدا زیاتر لە 200 هەزار کەس پسوولەی خۆراکیان بە ئەلیکترۆنی کردووە

ئاڤا نیوز

 

لە سەرتاسەری ناوچەکانی هەرێمی کوردستان، ئەپلیکەیشنی پڕکردنەوەی پسوولەی خۆراک کارا کرا و هاووڵاتیان دەتوانن خۆیان تۆماربکەن، لە قۆناغی ئەزموونی زیاتر لە 200 هەزار کەس خۆیان تۆمارکردووە.

 

وێنە گەورەکە: پرۆسەی بە ئەلیکترۆنیکردنی پسوولەی خۆراک ئامانج, لێی کارئاسانییە بۆ هاووڵاتیان و  لە سەنتەری هەرچوار  پارێزگای هەرێمی کوردستان پرۆسەکە دەستپێکردووە و لە ماوەی چەند مانگێکدا سەرجەم خێزانەکانی هەرێمی کوردستان تۆمار دەکرێن.

 

لێدوانی فەرمی: نەوزاد شێخ کامیل، بەڕێوەبەری گشتیی بارزگانی لە وەزارەتی بازرگانی و پیشەسازیی هەرێمی کوردستان دەڵێت، "لە ماوەی سێ ڕۆژدا وەک قۆناغی ئەزموونی 224 هەزار کەس لە هەر چوار پارێزگای هەرێمی کوردستان خۆیان تۆمارکردووە و ئەمەش ئاماژەیەکی دڵخۆشکەرە."

 

ئەمەش بزانە: لە هەرێمی کوردستان پێنج ملیۆن و 350 هەزار کەس لە فۆڕمی خۆراک سوودمەند دەبن، تاوەکو ئێستا 224 هەزار کە خۆیان تۆمارکردووە، بەمشێوەیە بەسەر پارێزگاکاندا دابەش بوون:-

هەولێر: 37 هەزار کەس
دهۆک: 40 هەزار کەس 
سلێمانی: 80 هەزار کەس 
هەڵەبجە: 67 هەزار کەس