هاکان فیدان: پێشنیاز دەکەین پارێزگاری کەرکووک بە نۆرە بێت

ئاڤا نیوز

هاکان فیدان، وەزیری دەرەوەی تورکیا پێشنیازێک ئاڕاستەی پێکهاتەکانی کەرکووک دەکات، بەپێی پێشنیازەکە پاڵپشتی لە دانانی پارێزگارێکی بە نۆرە  دەکات.

وێنە گەورەکە: دوای سێ مانگ لە هه‌ڵبژاردنی ئه‌نجوومه‌نی پارێزگاکان، تاوەکو ئێستا له‌ که‌رکووک پۆستی پارێزگار له‌نێوان (کورد، عه‌ره‌ب و تورکمان) یه‌کلانه‌کراوه‌ته‌وه‌.

لێدوانی فەرمی: هاکان فیدان، وەزیری دەرەوەی تورکیا، لە چاوپێکەوتنێکدا لە کەناڵێ سی ئێن ئێن تورک ڕایگەیاند: دەمانەوێت پارێزگاری کەرکووک بە نۆرە و هاوبەشی بێت لە نێوان پێکهاتەکان و هیوادارین لایەنەکان بەو پێشنیازە ڕازی بن و ڕەتی نەکەنەوە.

زانیاریی زیاتر: فیدان سەقامگیری کەرکوو بە پێویست دەزانێت و دەڵێت " لە ئەگەری درووست بوونی هەر کێشەیەک دەکرێت داعش و پەکەکە دزە بکەنە ناو شارەکە".

باکگراوند: پێشتر و لە ڕۆژی پێنجشەممە 14-03-2024 هاکان فیدان، وەزیری دەرەوەی تورکیا لە بەغدا لەگەڵ حه‌سه‌ن تۆران، سه‌رۆکی به‌ره‌ی تورکمانی عێراق و ئه‌رشه‌د ساڵحی، سه‌رۆکی فراکسیۆنی بەرەی تورکمانی له‌ په‌رله‌مانی عێراق کۆبوونەوە.پرسی سەرەکییش دانانی پارێزگاری کەرکووک بوو.