مەسک ئەو پۆستەی سڕییەوە کە باس لە تێوەگلانی ترەمپ لە کەیسێکی منداڵبازی دەکات

هەواڵ
2 کاتژمێر لەمەوپێش

شەیری بکە لە:

مەسک ئەو پۆستەی سڕییەوە کە باس لە تێوەگلانی ترەمپ لە کەیسێکی منداڵبازی دەکات

ئیلۆن مەسک، ملیاردێری ئەمریکی و دۆناڵد ترەمپ، سەرۆکی ئەمریکا. وێنە؛ AFP

ئاڤا نیوز

ئیلۆن مەسک، ملیاردێری ئەمریکی، ئەو پۆستەی سڕییەوە لە ئێکس کە باس لەوە دەکات دۆناڵد ترەمپ لە کەسێکی "منداڵباز"ـی تێوەگلاوە، ئەمەش دوای ئەوەی نێوانی ئەو دوو هاوڕێیە گیانی بە گیانییە تێکچوو و شەڕ کەوتە نێوانیان.

وێنە گەورەکە: تا دێت گرژییەکانی نێوان ترەمپ و مەسک زیاتر دەبن، مەسک دەڵێت" ترەمپ لە فایلەکانی "بازرگانی سێکسی بە منداڵان" تێوەگلاوە بۆیەش تاوەکو ئێستا ئەنجامی لێکۆڵینەوەکان بۆ ڕای گشتی نەخراوەتە ڕوو.

ئەوەی پێویستە بیزانیت: مەسک کە تازە لە ڕۆڵی خۆی وەک ڕاوێژکاری باڵای کۆشکی سپی دەرچووە، ڕۆژی پێنجشەممە بانگەشەی ئەوەی کرد کە سەرۆکی کۆمارییەکان لە فایلە بڵاونەکراوەکانی حکومەتدا لە "کەیسی ئێپیستین کە تاوانبارە بە منداڵبازی" تۆمەتبارە. کە لە ساڵی 2019 لە زیندان خۆی کوشت، ئەمەش دوای ئەوەی ڕووبەڕووی تۆمەتی بازرگانیکردنی سێکسی بە منداڵان بووەتەوە.

باکگراوند: جێفری ئێپستین، بازرگانێکی ئەمریکی بوو، لە دوای ئەوەی بە تۆمەتی بازرگانیکردنی سێکسی بە منداڵان دەستگیرکرا، لە ساڵی 2019 لە زیندان خۆی کوشت، هەر ئەوکاتی سەدان بەڵگەنامەی دوای خۆی جێ هێشت کە تێوەگلانی دەیان کەسایەتی ناوداری جیهانی تێدایە.

چی ڕوویدا: مەسک لە پلاتفۆرمی سۆشیال میدیای خۆیدا بڵاویکردەوە، "کاتی ئەوە هاتووە بۆمبە گەورەکە بخەینە خوارەوە: ترەمپ لە فایلەکانی ئێپستاینەدایە"، ئەوە هۆکاری ئەوەیە کە ئاشکرا نەکراون".

ئەمەش بزانە: مەسک ئاشکرای نەکردووە کە باسی کام فایل دەکات و هیچ بەڵگەیەکی بۆ بانگەشەکەی بڵاونەکردووە.