عێراق هەڵكشانی گرژییە سەربازییەكانی ناوچەكە ڕەتدەكاتەوە

ئاڤا نیوز

 

عێراق هەڵكشانی گرژییە سەربازییەكان ڕەت دەكاتەوە، لەپێناو بەدیهێنانی ئاسایش و سەقامگیریی ناوچەكە.

 

چیرۆكی سەرەكی: فوئاد حوسێن، وەزیری دەرەوەی عێراق لەلایەن هاوتا سوێدییەكەی پەیوەندییەكی تەلەفۆنی پێ گەیشت، زیادبوونی ئاڵۆزییەكانی ڕۆژهەڵاتی ناوەڕاست و هێرشەكانی ئیسرائیل بۆ سەر ئێران، تەوەری سەرەكی گفتوگۆكانیان بوو.

 

ڕاگەیێنراوی فەرمی: وەزارەتی دەرەوەی عێراق لە بەیاننامەیەكدا ڕایگەیاندووە، فوئاد حوسێن، جێگری سەرۆكوەزیرانی عێراق بۆ كاروباری دەرەوە، پەیوەندییەكی تەلەفۆنی لەلایەن ماریا مالمێر ستینەرگارد، وەزیری دەرەوەی شانشینی سوێد، پێگەیشتووە، باسیان لە پەیوەندییە دووقۆڵییەكانی نێوان عێراق و سوێد و بەهێزكردنی هاوبەشییەكان كردووە.

 

بابەتە ستراتیژییەكە: هەڵكشانی گرژییە سەربازییەكان و زیادبوونی ئاڵۆزییەكان، تەوەری سەرەكی گفتوگۆی نێوان وەزیرانی دەرەوەی عێراق و سوێد بوو، هەردوولا هاوڕابوون لەسەر هێوركردنەوەی دۆخەكە و دان بەخۆدا گرتنی لایەنەكان لەپێناو پاراستنی ئاسایش و سەقامگیریی ناوچەكە.

 

بەتەنیشت ئەم بابەتەوە: هەر ئەمڕۆ فوئاد حوسێن، پەیوەندییەكی تەلەفۆنی لە هاوتا قوبرسییەكەی پێگەیشت، هەردوولا هاوڕابوون لەسەر پێویستیی هێوربوونەوەی دۆخەكە و بەدیهێنانی ئاسایش و سەقامگیری ناوچەی ڕۆژهەڵاتی ناوەڕاست.