پەیامێك بۆ ئەو قوتابییە كوردانەی لە ئێران دەخوێنن

ئاڤا نیوز

وەزارەتی خوێندنی باڵا و توێژینەوەی زانستی، قوتابیانی هەرێمی کوردستان كە ئێستا لە ئێران درێژە بە خوێندن دەدەن، سەرپشک دەكات لە گەڕانەوەیان یاخود بەردەوام بوون لە پڕۆسەی خوێندن.

وێنە گەورەكە: شەڕ و ئاڵۆزییەكانی ناوچەكە پێی ناوەتە قۆناغێكی نوێ، تەنها ئەمڕۆ هەینی ئیسرائیل سێ هێرشەشەپۆڵی كردە سەر چەند شوێنێكی ستراتیژیی ئێران و ژمارەیەك سەرباز و زانای ئەتۆمی ئەو وڵاتەی بەئامانج گرت، ئەمە دۆخی ناوچەكەی بە تەواوی شڵەقاند و سەرجەم گەشتە ئاسمانییە ناوخۆیی و نێودەوڵەتییەكانی ئێرانیش وەستان.

ڕاگەیێنراوی فەرمی: بەهۆی ئەو بارودۆخەی لە ناوچەکەدا ڕوودەدات، بۆ پاراستنی گیانی خوێندکاران و قوتابییانی هەرێمی کوردستان کە لە زانکۆکانی کۆماری ئیسلامی ئێران دەخوێنن، وەزارەتی خوێندنی باڵاو توێژینەوەی زانستی بریاریدا؛ خوێندکاران و قوتابیان، سەرپشکن لە گەڕانەوەیان بۆ هەرێمی کوردستان، یاخود مانەوەیان لە ئێران لە ئەمڕۆوە تاوەکو 1-7-2025، و دووبارە هەڵسەنگاندنەوەی دۆخەکە.

زانیاریی زیاتر: ماوەی مانەوەی ناچاریی قوتابییانی هەرێمی كوردستان لە ئێران، وەک ماوەی مانەوەی خوێندن بۆ قوتابییان هەژمار دەکرێت.