لووتکەی باڵای ئاسایشی تورکیا سەبارەت بە دۆخی ئێران کۆبووەوە

ئاڤا نیوز

لووتکەی باڵای تورکیا بە بەشداری هەموو بەرپرسە باڵا سەربازییەکانی تورکیا و وەزیری دەرەوەی ئەو وڵاتە سەبارەت بە هێرشی ئیسرائیل بۆ سەر ئێران کۆبووەوە.

وێنە گەورەکە: هێرشی ئیسرائیل بۆ سەر ئێران کاریگەری ڕاستەوخۆی لەسەر هەموو وڵاتانی جیهان و بەتایبەت ڕۆژهەڵاتی ناوڕاست و وڵاتانی درواسێی ئێران و ئیسرائیل هەیە، بەوردی چاودێری بارودۆخەکە دەکەن و هەوڵی دوورخستنەوەی کاریگەری نەرێنی جەنگەکە دەدەن لە وڵاتانی خۆیان.

بڵاوکراوەی فەرمی: میدیا فەرمییەکانی تورکیا بڵاویان کردووەتەوە: کاتژمێر 2:30 خولەکی ئەمڕۆ لووتکەی باڵای تورکیا بەسەرۆکایەتیی هاکان فیدان، وەزیری دەرەوەی تورکیا، ئیبراهیم کاڵن، سەرۆکی دەزگای هەواڵگری تورکیا (میت)، یاشار گولەر، وەزیری بەرگری و مێتین گوراک، سەرۆک ئەرکانی گشتی سوپا کۆبووەوە. لە کۆبوونەوەکەدا هێرشی ئیسرائیل بۆسەر ئێران  کاردانەوەکان و کاریگەری لەسەر تورکیا تاوتوێ کران.