سوپای پاسداران کوژرانی حەوت فەرماندەی باڵای پشتڕاست دەکاتەوە

ئاڤا نیوز

 

سوپای پاسدارانی ئێران کوژرانی حەوت فەرماندەی سەربازی وڵاتەکە ڕاگەیاند کە لە ئەنجامی هێرشەکانی ڕۆژی هەینی ئیسرائیل بە ئامانج گیراون.

 

چیرۆکی سەرەکی: بەرەبەیانی ڕۆژی هەینی سوپای ئیسرائیل بە 200 فڕۆکەی جەنگی هێرشی کرد سەر ئێران، بەهۆیەوە تاوەکو ئێستا 31 فەرماندەی سەربازی ئێران و نۆ زانای بواری ئەتۆمی کوژراون. 

زانیاریی بەدەستهاتوو: میدیاکانی ئێران بڵاویانکردووەتەوە کە ناوەندى ڕاگەیاندنى سوپاى پاسدارانى ئێران، کوژرانى حەوت فەرماندەى هێزى ئاسمانى وڵاتەکەی پشتڕاست کردووەتەوە.

زانیاریی زیاتر: ئەو حەوت فەرماندە سەربازییە لە ئەنجامی هێرشی فڕۆکە جەنگییەکانی ئیسرائیل بۆ سەر ئێران لە ڕۆژی هەینیدا کوژراون، بەناوەکانی:- داود شێخیان، مەنسوور سەفەرپوور، مەحمود باغری، محەممەد باغر تاهرپوور، خوسرەو حەسەنی، جەواد جارسار، مەسعود تەیبور.

 

لەلایەکی دیکەوە: عەباس عێراقچی، وەزیری دەرەوەی ئێران ڕایگەیاند، ئیسرائیل هێڵێکی سووری نوێ لە یاسا نێودەوڵەتییەکان بەزاندووە و هێرشی کردە سەر دامەزراوە ئەتۆمییەکان، هاوکات ئیسرائیل دژی هەموو دانووستانێکە، بۆیە سەرنجەکانمان بۆ سەر ئیسرائیل چڕ کردووەتەوە.