سوپای ئیسرائیل: ئامادەکاریی درێژخایەنمان بۆ ئەم جەنگە کردووە

 ئاڤا نیوز

 

گوتەبێژی سوپای ئیسرائیل رایگەیاند ئامادەکارییان بۆ جەنگی درێژخایەن لەگەڵ ئێران کردووە.

 

لێدوانی فەرمی: ئیفی دیفرین، گوتەبێژی سوپای ئیسرائیل لە کۆنفرانسێکی رۆژنامەوانیدا ڕایگەیاند، ئەمڕۆ 20 مووشەک لە ئێرانەوە ئاراستەی ئیسرائیل کران، بەرگریی ئیسرائیل توانی بەرپەچی زۆربەیان بداتەوە و تاوەکو ئێستا دەستکەوتی گەورەش لە ئێران بەدەستهێنراوە.

 

لەدرێژەی قسەکانیدا جەخت لەوە دەکاتەوە؛ ڕێگە نادەن ئێران چەکی ئەتۆمیی هەبێت.

 

چیرۆکی سەرەکی: لەکاتێکدا شەڕی نێوان ئیسرائیل و ئێران کەوتووەتە ڕۆژی پێنجەمەوە، هەڕەشەکانی هەردوولا بۆ سەر یەکتر زیاتر دەبن، ئیسرائیل پێداگرە لەسەر ئەوەی نابێت هەڕەشە ئەتۆمییەکانی ئێران بمێنێت، بۆ ئەم مەبەستە ئۆپەراسیۆنەکانی لە ناوچە جیاجیاکانی ئێران بەردەوامن.

 

زانیاریی زیاتر: ئیسرائیل بەیانیی ئەمڕۆ رایگەیاند سوپای وڵاتەکە فەرماندەی گشتیی بنکەی خاتەمولئەنبیای ئێرانی بە ئامانج گرت کە تەنیا چوار ڕۆژ بوو ئەو پۆستەی پێدرابوو.