سوودانی هاوکاری بۆ زیانلێکەوتووانی دهۆک و زاخۆ دەنێرێت

ئاڤا نیوز

سەرۆكوەزیرانی عێراق، لایەنە پەيوەنديدارەكانی ڕاسپاردووە بۆ گەیاندنی یارمەتی و هاوکاریی بۆ زیانلێكەوتووانی لافاوەكەی دهۆک و زاخۆ.

وێنە گەورەکە: محەممەد شیاع سوودانی، سەرۆکوەزیرانی عێراق بەمەبەستی قەرەبووکردنەوەی زیانلێکەوتووانی دهۆک و زاخۆ، قەیس محەممەداوی، جێگری فەرماندەی ئۆپەراسیۆنە هاوبەشەکان لە وەزارەتی ناوخۆی ڕاسپاردووە بۆ بەدواداچوون و قەرەبووکردنەوەی ئەو هاووڵاتییانەی زیانیان بەرکەوتووە.

ئەوەی پێویستە بیزانیت: محەممەداوی، پەیوەندی بە دەسەڵاتدارانی حکومی و ئیداری و سەرکردەکانی هەرێمی کوردستان کردووە، بۆ دیاریکردنی میکانیزمەکانی پێشکەشکردنی پاڵپشتی فریاگوزاریی و هاوکاری بۆ ئەو کەسانەی کە زیانیان بەرکەوتووە.

باکگراوند: بەهۆی لافاوەکەی دوێنێ سنووری پارێزگای دهۆک؛ سێ کەس گیانیان لە دەستدا و زیاتر لە 10 کەس بریندار بوون، زیاتر لە 100 ماڵ، نزیکەی 100 ئۆتۆمبێل و دەیان دوکان و شوێنی بارزگانی بەر لافاو کەوتن.

 

گۆشەیەکی دیکە: سەرۆکوەزیران بارزانی باسی لافاوەکەی دوێنێی دهۆک و زاخۆی کرد و وێڕای سەرەخۆشی لە کەسوکاری قوربانییان، بەڵێنی دا زیانلێکەوتووان قەرەبوو بکەنەوە.