شاندێكی لاوانی كوردستان سەردانی چین دەكات

ئاڤا نیوز

شاندێکی یەکێتی لاوانی دیموکراتی کوردستان، بە سەردانێک گەیشتنە کۆماری چین و بەشداری خولێکی پەرەپێدان دەکەن.

ئەوەی پێویستە بیزانیت: شاندەکەی لاوانی کوردستان پێکهاتوون لە گروپێکی (17) کەسیی، بە ناوی گرووپی (کوردستان لاو - Kurdistan young) بەشدارن لە خولێکی پەرەپێدان لە کۆماری چین، کە جگە لە لاوانی کوردستان، چەند شاندێکی وڵاتانی (ئوردن، لوبنان،میسر، جەزائیر)  تێیدا بەشدارن.

زانیاریی زیاتر: بەسروودی نیشتیمانی ئەی ڕەقیب دەست بە بەرنامەکانی خولەکە کرا و  مەیسەر نهێلی سکرتێری یەکێتی لاوانی لاوانی دیموکراتی کوردستان وتارێکی پێشکەش کرد و هاوخەمی خۆی دەبڕی بە هۆی ئەو کارەساتە سروشتییەی کە لە ئەنجامی لافاودا ڕوبەڕووی دهۆک و زاخۆ و بادینان بووە، سەرساڵی نوێی کوردیشی پیرۆز کرد.

 

بۆچی گرنگە: سەردانی ئەو شاندەی یەکێتی لاوانی دیموکراتی کوردستان، کە هاوکاتە لەگەڵ سەردانی چەند شاندێکی دیکەی لاوانی وڵاتان، وادەکات تواناکانیان لە بوارە جیاوازەکان پەرەپێبدەن و ئەزموونی نوێ لە کاری ڕێکخراوەیی وەربگرن.