ڕێکخراوێکی ژینگەیی: هاووڵاتی عێراقی لە بەهەدەردانی ئاو پێشەنگی جیهانە

ئاڤا نیوز

بەپێی ڕیکخراوێکی ژینگەیی، عێراق یەکێکە لەو وڵاتانەی بەدەست کەمی ئاوەوە دەناڵێنێت، لەگەڵ ئەوەشدا لە بەهەدەردانی ئاوی پاکی خواردنەوەش لە پێشەنگە.

بڵاوکراوەی فەرمی: ڕوانگەی سەوزی عێراق کە ڕێکخراوێکی ژینگە پارێزی باوەڕ پێکراوە لە بڵاوکراوەیەک دەڵێت، ڕێژەی بەکارهێنانی ئاوی ڕۆژانەی هاووڵاتیانی عێراق یەکەمە لەسەر ئاستی جیهان ڕکابەری نییە و هونەری داهێنانیشی لەبەهەدەردانی هەیە.

بەگوێرەی ئەو ڕوانگەیە، هەر هاووڵاتییەکی عێراقی ڕۆژانە 400 لیتر ئاو بەکاردەهێنێت، ئەوەندی بۆ خواردنەوە و پێداویستی ڕۆژانە بەکار دەهێنێت، زیاتری بەفیرۆ دەدات، بێ ئەوەی ڕەچاوی چۆنێتی دابینکردنی بکات.

زانیاریی زیاتر: بۆ ئەوەی ئاویش بەدەردی کارەبا نەبردرێت ئەو ڕوانگەیە بە  پێویستی دەزانێت لایەنی پەیوەندیدار ڕێوشوێنی گونجاو بەرامبەر بەو کەسانە بگرێتەبەر کە ئەم سامانە بەفیڕۆدەدەن، بەتایبەتی عێراق بەدەست قەیرانێکی سەختی ئاو دەناڵێنێت کە بووەتە هۆی وشکەساڵی لە ناوچەکانی ناوەڕاست و باشوور و تەنانەت بەشێک لە پارێزگاکانی باکووریش .