بۆ کۆنترۆڵکردنی نرخی خۆراک پارێزگاری هەولێر لەگەڵ چەند وەزارەتێک کۆدەبێتەوە

ئاڤا نیوز

لە هەولێر کۆبوونەوەیەکی فراوان لەنێوان پارێزگاری هەولێر و چەند وەزارەتێک لەگەڵ چەند کۆمپانیایەکی گەورەی خۆراک کراوە، بۆ ئەوەی جوڵەی بازرگانی لە هەولێر باشتر و بەهێزتر بکرێت و نرخی خۆراکیش کۆنترۆڵ بکرێت.

وێنە گەورەکە: ماوەی دوو مانگە حکومەتی عێراق مووچەی فەرمانبەرانی هەرێمی کوردستانی نەناردووە، ئەمەش کاریگەری لەسەر جووڵەی بازاڕ دروستکردووە.

لێدوانی فەرمی: نەبەز عەبدولحەمید، قایمقامی هەولێر بە ئاڤا میدیای ڕاگەیاند، لە کۆبوونەوەکە بڕیاردرا هەموو ئاسانکارییەک بۆ بازرگانان بکرێت و هەموو ئەو ئاستانگانەی دێنە بەردەم کۆمپانیاکان لاببرێت. ئەمە جگە لەوەی گفتوگۆ کرا لەسەر جێگیربوونی نرخی خۆراک و کوالێتی ئەو خۆراکانەی هاوردە دەکرێن بۆ ئەوەی جووڵە لە بازاڕ بەهێزتر بکرێت.

بە وتەی قایمقامی هەولێر، هەموو کۆگاکان پڕن لە خۆراک، لەمەوبەدوا گۆڕانکارییەکان لەبارەی جووڵەی بازاڕ بەرەو باشتر دەبێت.

ئەوەی پێویستە بیزانیت: کۆبوونەوە فراوانەکە لە ئۆفیسی دەزگای خێرخوازی بارزانی بووە لە هەولێر، پارێزگار و قایمقامیەتی هەولێر لەگەڵ وەزیری شارەوانی، بریکاری وەزارەتی بازرگانی و سەرۆکی دەستەی وەبەرهێنان و سەرۆکی دەزگای خێرخوازی بارزانی بەشداری کۆبوونەوەکە بوون.