وەزارەتی پەروەردە ڕێکارەکانی وەرگرتن و تۆمارکردنی منداڵان بۆ ساڵی نوێ بڵاو دەکاتەوە

ئاڤا نیوز

 

وەزارەتی پەروەردەی هەرێمی کوردستان شێوازی تۆمارکردن و وەرگرتنی منداڵان و قوتابیان بۆ ساڵی نوێی خوێندن بڵاو دەکاتەوە. بەگوێرەی پەروەردە ئەو منداڵانەی ڕۆژی لەدایکبوونیان دەکەوێتە نێوان 1-9-2019 تا 31-8-2020، ئەمساڵ لە قوتابخانەکان وەردەگیرێن.

 

ڕاگەیێنراوی فەرمی: وەزارەتی پەروەردەی هەرێمی کوردستان ڕایگەیاند، وەرگرتنی منداڵان لە باخچەی منداڵانی حکومی بە پلەی یەکەم لەسەر بنەمای شوێنی جوگرافی دەبێت. بۆ قۆناغی یەکەمی باخچەی منداڵان، ئەو منداڵانە وەردەگیرێن کە چوار ساڵن بەو مەرجەی ڕۆژی  لەدایکبوونیان لە نێوان 1-1-2021 تا 31-12-2021 بێت، هەرچی پەیوەستە بە قۆناغی دوومی باخچەی منداڵانی پێنج ساڵی کە وەردەگیرێن، دەبێت ڕۆژی لەدایکبوونیان لە نێوان 1-1-2020 تا 31-12-2020 بێت.

 

زانیاریی زیاتر: سەبارەت بە قوتابخانەکان، ئەو منداڵانەی مافی ناونووسینیان هەیە، دەبێت ڕۆژی لەدایکبوونیان لەنێوان 1-9-2019 تا 31-8-2020 بێت.

 

ئەوەی پێویستە بیزانیت: بەپێی نووسراوی فەرمیی وەزارەتی پەروەردە پرۆسەی ناونووسینی قوتابیانی پۆلی یەکەمی بنەڕەتی بۆ ساڵی خوێندنی 2025-2026 لە ڕۆژی 21-7-2025،  دەست پێدەکات و تاوەکو ڕۆژی 21-9-2025، بەردەوام دەبێت.