هاوسەرۆكانی دەم پارتی لەگەڵ سەڵاحەددین دەمیرتاش كۆدەبنەوە

ئاڤا نیوز

ئەمڕۆ شاندێکی دەم پارتی بە سەرۆکایەتی تونجر باکرهان و تولای هاتیمئۆغوللاری، هاوسەرۆکانی دەم پارتی سەردانی سەلاحەددین دەمیرتاش، سەرۆکی پێشووتری هەدەپە دەكەن.

زانیاری بەدەستهاتوو: ڕۆژی چوارشەممە، 2025-07-16، میدیای نزیک لە پارتی یه‌كسانی و دیموكراسیی گه‌لان (دەم پارتی) ڕایگەیاند، تونجەر باکرهان و تولای هاتیمئۆغوللاری، هاوسەرۆکانی دەم پارتی سەردانی زیندانی ئەدرنە دەکەن و لەگەڵ سەڵاحەددین دەمیرتاش، هاوسەرۆکی پێشووی هەدەپە کۆدەبنەوە.

ئەوەی پێویستە بیزانیت: لە سەردانەکەی شاندی دەم پارتیدا بڕیارە پڕۆسەی چەکدانانی پەکەکە و ئازادکردنی ئەو سیاسەتمەدارانەی کە شانبەشانی دەمیرتاش لە دۆسیەی کۆبانیدا سزادراون تاوتوێ بکرێت و پێشبینی دەکەن هەفتەی داهاتوو ناوبراو ئازاد بکرێت.

باکگراوند: سەڵاحەددین دەمیرتاش، هاوسەرۆکی پێشووی هەدەپە، لە تشرینی دووەمی ساڵی 2016ـەوە لەسەر دۆسیەی کۆبانێ دەستبەسەرە، ماوەی نۆ ساڵە لە زیندانی ئەدرنەیە.