ڕێبەر ئەحمەد: زۆر ڕوونە کە درۆنەکان لە کوێوە دێن

ئاڤا نیوز

وەزیری ناوخۆی حکومەتی هەرێمی کوردستان لەبارەی هێرشە درۆنییەکان بۆ سەر دامەزراوە نەوتییەکان ڕایگەیاند: پێویست بە لێکۆڵینەوە ناکات، زۆر ڕوونە کە درۆنەکان لە کوێوە دێن.

چیرۆکی سەرەکی: لەماوەی چەند ڕۆژی ڕابردوو و تاوەکو ئێستا نزیکەی 40 درۆن ئاراستەی شارەکانی کوردستان کراون و بەشێک لەو درۆنانە ئاراستەی دامەزراوە نەوتییەکان کراو زیانی ماددیان هەبووە، ئەمەش وەکو لێدانێک بۆ سەرژێرخانی ئابووریی کوردستان سەیر دەکرێت.

لێدوانی فەرمی: ڕێبەر ئەحمەد، وەزیری ناوخۆی کوردستان لە کۆنگرەیەکی ڕۆژنامەوانیدا ڕایگەیاند: پێویست بە لێکۆڵینەوە ناکات، زۆر ڕوونە کە دۆنەکان لە کوێ دێن و کوێ دەکەنە ئامانج، شادەماری ئابووریی کوردستان دەکەنە ئامانج، بەداخەوە ئەمە کردەوەی تیرۆریستین، هەر لایەنێک لە پشتییەوە بێت شەرمەزار دەبێت. 

داوا لە حکومەتی فیدراڵی دەکەین کە سنوورێک بۆ ئەم جۆرە هێرشانە دابنێت، هەر لایەنێک لە پشتی ئەم هێرشانەوە بێت ئاشکرا بکرێن و بدرێنە دادگا، تاوەکو بە سزای ئاسایی بگەن.