عێراق:  زیاتر لە پێنج هەزار ئالوودەبووی ماددەی هۆشبەر چارەسەرکراون

ئاڤا نیوز

بەپێی بڵاوکراوەیەکی وەزارەتی ناوخۆی عێراق، لە ماوەی نیوەی یەکەمی ساڵی 2025، زیاتر لە پێنج هەزار ئالوودەبووی ماددەی هۆشبەر چارەسەرکراون. پارێزگای نەجەف پێشەنگی پارێزگاکانی عێراق بووە لە چارەسەرکردنی ئالوودەبووان.

وێنە گەورەکە: ساڵانە هەزاران گەنج و تازەپێگەیشتوو لە عێراق ئالوودەی بەکارهێنانی ماددەی هۆشبەر دەبن و ژمارەی قوربانییانیش تا دێت زیاتر دەبێت و چاکسازییەکان بوونەتە شوێنی مانەوەی ئەو کەسانەی تووشی ئەمە بوون.

لێدوانی فەرمی: عەمید میقداد میری، بەڕێوەبەری فەرمانگەی پەیوەندییەکان و ڕاگەیاندنی وەزارەتی ناوخۆی عێراق ڕایگەیاند: ناوەندەکانی چاکسازی توانیویانە لە شەش مانگی یەکەمی ئەمساڵداپێنج هەزار و 472 ئالوودەبووی ماددەی هۆشبەر چارەسەر بکەن و ڕەوانەی ماڵەکانیان بکەنەوە.

میری ئاماژەی بەوەشکرد، "پارێزگای نەجەف بە چارەسەرکردنی 707 ئالوودەبوو، پێشەنگی پارێزگاکانی عێراق بووە، وەزارەتی ناوخۆش بەردەوام دەبێت لە پشتیوانیکردنی ئەم هەنگاوە مرۆییە.