بە بۆنەی ڕۆژی جیهانیی شانۆ ڕێز لە 28 شانۆکار دەگیرێت

ئاڤا نیوز

 

بەبۆنەی ڕۆژی جیهانیی شانۆ لە ڕێوڕەسمێکی تایبەتدا لە شاری سلێمانی 28 شانۆکاری سنووری سلێمانی ڕێزلێنانیان بۆ دەکرێت. 

 

چیرۆکی سەرەکی: بەبۆنەی رۆژی جیهانی شانۆوە مەکتەبی ڕێکخستنی پارتی لە پارێزگای سلێمانی و هەڵەبجە و ئیدارەی ڕاپەڕین ڕێوڕەسمێکی ڕێزلێنان بۆ هونەرمەندە شانۆکارەکانی ئەو سنوورە دەکات، کە بەردەوام لە هۆڵەکانی شانۆدان و خزمەتی ئەو هونەرە دەکەن.

 

لێدوانی تایبەت: شنیار هۆشیار حوسێن، ئامادەکار و پێشکەشکاری ڕێوڕەسمەکە بە ئاڤا نیوزی ڕاگەیاند: لەم ڕۆژە تایبەتەدا مەکتەبی ڕێکخستنی پارێزگای سلێمانی، هەڵەبجە ڕاپەڕینی پارتی دیموکراتی کوردستان بە پێویستی زانی ڕێزلێنان بۆ کۆمەڵێک شانۆکاری جددی و ماندوونەناس بکات کە بەردەوام لە هۆڵەکانی شانۆدان و خزمەت دەکەن.

 

زانیاریی زیاتر: هەر لەو ئێوارەیەدا دۆکیومێنتاریێكی تایبەت بە ڕۆژی جیهانی شانۆ نمایش دەکرێت، پاشان هونەرمەندی گەورە مامۆستا ئەحمەد سالار، وەکو نوێنەری هونەرمەندان و عەلی حوسێن، بەرپرسی مەکتەبی ڕێکخستنی پارتی لە پارێزگای سلێمانی و هەڵەبجە و ئیدارەی ڕاپەڕین گوتەی تایبەتی خۆیان پێشکەش دەکەن. 

 

ئەمەش بزانە: 27ـی03ـی هەموو ساڵێک بە ڕۆژی جیهانی شانۆ دیاریکراوە، لەم ڕۆژەدا کار و چالاکیی جۆراوجۆر دەکرێت.