ترەمپ حەماس بە دزینی هاوکارییەکان تۆمەتبار دەکات

ئاڤا نیوز

سەرۆکی ئەمریکا، بزووتنەوەی حەماسی بە دزینی هاوکارییە مرۆییەکانی هاووڵاتییانی کەرتی غەززەی تۆمەتبار کرد.

وێنەگەورەکە: قەیرانی برسیبوون و نەبوونی خۆراک لە ناو کەرتی غەززە ئێستا بووەتە ناونیشانی میدیا ناوخۆیی و جیهانییەکان بەهۆی برسیبوون و داخستنی دەروازەکان لەلایەن ئیسرائیلەوە بە بیانوونی دزینی هاوکارییە مرۆییەکان لەلایەن بزووتنەوەی حەماس  نزیکەی دوو ملیۆن کەس هەڕەشەی مردنیان لەسەرە.

لێدوانی فەرمی: دۆناڵد ترەمپ، سەرۆکی ئەمریکا بۆ ڕۆژنامەنووسان ڕایگەیاند: "ئێمە پارەیەکی زۆر بە پێداویستی تەندروستی  دەدەین، هیوادارین  بە شێوەیەکی دادپەروەرانە لە ناوچەکەدا دابەش بکرێت، وەڵامی باشمان وەرگرتووە سەبارەت بە دابەشکردنی پارە و هاوکارییەکان و دەمانەوێت هەمووان دەستیان بە خۆراک بگات''.

ترەمپ وتیشی، ''وەک دەزانن زۆرێک لە وڵاتان پارە بۆ غەززە دەنێرن، بەڵام بە ئێمە بەراورد ناکرێن، ئێمە چاودێری پارەکە دەکەین، ئەوان پارەیان ناردووە، بەڵام  حە ماس دزیویەتی''.