عێراقچی: هێشتا نەگەیشتووینەتە قۆناغی دەستپێکردنەوەی دانوستان لەگەڵ ئەمریکا

ئاڤا نیوز

لەبارەی دووبارە دەستپێکردنەوەی دانوستانی نێوان ئێران و ئەمریکا، وەزیری دەرەوەی ئێران ئاشکرای دەکات، هێشتا بۆ ئەو قۆناغە ماویەتی.

چیڕۆکی سەرەکی: ئێران و ئەمریکا تاوەکو ئێستا شەش گەڕی دانوستانی ناڕاستەوخۆیان لەسەر پرسی ئەتۆم بەنێوەندگیری عومان ئەنجامداوە، بەهۆی هێرشەکەی ئیسرائیل بۆ سەر ئێران کە بووە هۆکاری ئەوەی جەنگێکی 12 ڕۆژی ڕووبدات، دانوستانەکان بە هەڵپسێردراوی مانەوە.

لێدوانی فەرمی: عەباس عێراقچی، وەزیری دەرەوەی ئێران ڕایگەیاند، ''هێشتا نەگەیشتوونەتە ئاستی پێگەیشتوویی کاریگەر بۆ دەستپێکردنەوەی دانووستان لەگەڵ ئەمریکا''

زانیاریی زیاتر: لەبارەی پەیوەندییەکانی لەگەڵ ئاژانسی نێودەوڵەتیی وزەی ئەتۆم عێراقچی وتی، ناتوانین بەشێوەیەکی هەمیشەیی پەیوەندییەکانمان لەگەڵ ئاژانسی نێودەوڵەتیی وزەی ئەتۆم بپچڕێنن.