بانکی بەغداد بەشداری لە پرۆژەی "ھەژماری من" دەکات

ئاڤا نیوز

دوای ڕەزامەندیی بانکی ناوەندیی عێراق، بانکی بەغداد دەبێتە یەکێک لەو بانکانەی بەشداری لە پرۆژەی "هەژماری من" دەکات.

وێنە گەورەکە: پرۆژەی هەژماری من ڕۆژ لەدوای ڕۆژ لەڕووی بەشداریکردنی بانکەکان و تۆمارکردنی مووچەخۆران لە فراوانبووندایە، بانکی بەغداد دوای دەستپێشخەری بانکی بازرگانی عێراق (TBI) دەبێتە دووەم بانکی عێراق بەشداریی پرۆژەکە بکات.

بۆچی گرنگە: بانکی بەغداد یەکێک لە بانکە گەورەکانی عێراقە و شەش لقی لە هەرێمی کوردستان هەیە.

ئەوەی پێشبینی دەکرێت: لە کۆتایی ئەم مانگەدا پێشبینی دەکرێت بانکی زیاتر بەشداری بکەن، ئەمەش بژاردەی بانکیی زیاتر بۆ هاووڵاتیان دابین دەکات و خزمەتگوزارییە داراییەکان بەشێوەیەکی گشتی فراوانتر دەکات.

باکگراوند: بانکە بەشداربووەکانی پڕۆژەکە  بریتین لە (BBAC - NBI - RT - Cihan – IIB) و سەرجەمیان لەلایەن بانکی ناوەندییەوە دانپێنراون و بەشداریکردنیان پەسەند کراوە.