تورکیا سزای بازرگانی بەسەر ئیسرائیلدا سەپاند

ئاڤا نیوز

 

وەزارەتی بازرگانیی  تورکیا بڕیاری سنووردارکردنی هەناردەکردنی 54 بەرهەمی لە تورکیاوە بۆ ئیسرائیل دەرکرد.

 

وێنە گەورەکە: تورکیا لە بەرامبەر ڕێگریکردنی ئیسرائیل لە گەیاندنی یارمەتییە مرۆییەکان بۆ غەززە، سزای بازرگانی بەسەر ئیسرائیل سەپاند، تاوەکو ئەوکاتەی ئیسرائیل ڕێگە بە گەیاندنی یارمەتییە مرۆییەکان بۆ غەززە دەدات، بەردەوام دەبێت.

 

ڕاگەیێنراوی فەرمی: وەزارەتی بازرگانیی تورکیا بڵاویکردەوە، لە 09ـی نیسان بڕیاری سنووردارکردنی هەناردەکردنی 54 بەرهەمی بازرگانی لە تورکیاوە بۆ ئیسرائیل جێبەجێ دەکرێت. 

 

چی ڕوویدا؟ دوای ئەوەی تورکیا لە ڕێگەی وڵاتی ئوردنەوە داوای ڕێگەپێدانی بۆ گەیاندنی "یارمەتییە مرۆییەکان"ـی بۆ غەززە کرد، ڕۆژی دووشەممە هاکان فیدان، وەزیری دەرەوەی تورکیا گوتی، زانیومانە ئیسرائیل ڕێگربووە و بۆ ئەمەش ڕێکاری نوێ لە دژی ئیسرائیل دەگرینە بەر.

 

باکگراوند: پەیوەندییە دیبلۆماسییەکانی نێوان ئیسرائیل و تورکیا لە دوای 07ـی ئۆکتۆبەرەوە دەستپێکردنی شەڕی حەماس و  ئیسرائیل و ئاڵۆزی تێکەوتووە.