کارەکانی شەڵتەری سەگە بێلانەکانی دهۆک بەردەوامە

ئاڤا نیوز

 

لە دهۆک شەڵتەری سەگە بێلانەکان دروست دەکرێت و جگە لە شوێنی مانەوە، خواردنیشیان بۆ دابین دەکرێت؛ ئێستا 78%ـی کارەکانی تەواو بووە.

 

بۆچی گرنگە؟ سەگە بێلانەکانی کۆچە و کۆلانەکانی دهۆک، خەڵکییان هەراسان کردووە و بەم ڕێگەیەش، لە شوێنێکی تایبەت کۆدەکرێنەوە و خزمەت دەکرێن.

 

لێدوانی فەرمی: ئیسماعیل مستەفا، گوتەبێژی شارەوانیی دهۆك بە ئاڤا نیوزی ڕاگەیاند: "پرۆژەکە لە قۆناغی دانانی کاشی، بەستنی کارەبا و  بۆیاغکردنە، هەروەها کارەکانیشی بەردەوامە".

 

ئەوەش بزانە: ڕووبەری پرۆژەکە 11 هەزار مەتر چوارگۆشەیە و لەسەر بودجەی حکومەتی هەرێمی کوردستان دروست دەکرێت.