دەست بە دابەشكردنی بەشەخۆراکی مانگی سێ دەكرێت

ئاڤا نیوز

بە گوتەی بەڕێوەبەری گشتی بازرگانی هەرێمی کوردستان، سبەی دەست بە دابەشکردنی بەشەخۆراکی مانگی سێی ئەمساڵ دەکرێت.

ئەوەی پێویستە بیزانیت: لە هەرێمی کوردستان، هەفتەی ڕابردوو دەست بە دابەشکردنی بەشە ئاردی مانگی سێیەم کراوە و ئەم هەفتەیش بەشەخۆراکی مانگی سێ دابەش دەکرێت، کە پێکهاتووە، لە شەکر و زەیت و دۆشاوی تەماتە و برنج و نیسک.

لێدوانی فەرمی: نەوزاد شێخ کامیل، بەڕێوەبەری گشتیی بازرگانی لە وەزارەتی بازرگانی و پیشەسازیی حکوومەتی هەرێمی کوردستان، بە ئاڤا نیوزی گوت: "سبەی یەکشەممە 21 نیسان دەست بە دابەشکردنی بەشەخۆراکی مانگی سێ دەکرێت". 

زانیاریی زیاتر: هەموو ئەو مادانەی لە بەشەخۆرەکەکەدا، دابەش دەکرێن، دوای پشکنین و دڵنیابوونەوە ئەو کات بەسەر هاووڵاتییاندا دابەش دەکرێن.