سەرۆکی هەرێمی کوردستان: سەردانەکەی ئەردۆغان بۆ هەولێر و بە‌غدا مێژووییە

 

سەرۆکی هەرێمی کوردستان سەردانەکەی ئەردۆغان بۆ عێراق و هەرێمی کوردستان بە مێژوویی وەسف دەکات و دەڵێت، لە کاتێکی گرنگدایە لە ناوچەکە.

وێنە گەورەکە: سەرۆککۆماری تورکیا لە بەغدایە و دوای کۆبوونەوەی لەگەڵ سەرۆککۆمار و سەرۆکوەزیرانی عێراق، سەردانی هەولێر دەکات و لەگەڵ بەرپرسانی هەرێمی کوردستان کۆ دەبێتەوە.

 

لێدوانی فەرمی: نێچیرڤان بارزانی، سەرۆکی هەرێمی کوردستان لە پلاتفۆڕمی "X"  ڕایگەیاند، سەردانەکەی ڕەجەب تەیب ئەردۆغان بۆ بەغدا و هەولێر مێژووییە و لە کاتێکی گرنگدایە لە ناوچەکە، تیشک دەخاتە سەر پەیوەندییە سیاسی و ئابووری و ئەمنییە بەهێزەکانی نێوان عێراق و هەرێمی کوردستان لەگەڵ تورکیا.

 

ئەوەی چاوەڕوان دەکرێت: سەرۆکی هەرێمی کوردستان لە هەولێر لەگەڵ سەرۆککۆماری تورکیا کۆدەبێتەوە و لەسەر پرسە گرنگەكانی ئاشتی و سەقامگیری و گەشەپێدانی ئابووری گفتوگۆ دەکەن.