مەحسوون قرمزیگول تووشی زیانێكی دارایی گەورە دەبێت

ئاڤا نیوز 

مەحسوون قرمزیگول، داوی بەرهەمهێنانی  فیلمی " پرێستیژ مەسەلەسی"  کە بڕی سێ ملیۆن دۆلاری تێچووە، تووشی زیانێکی ئابووری گەورە دەبێتەوە. 

چیرۆکی سەرەکی: مەحسوون قرمزیگول چیرۆکی دەستپێکردنی لە بواری مۆسیقا لە فیلمی "پرێستیژ مەسەلەسی" دەگێڕێتەوە، فیلمەکە بڕی سێ ملیۆن دۆلاری تێچووە و لە ساڵی 2023 بڵاوکرایەوە.

لێدوانی فەرمی: قرمزیگول گوتی: ئاساییە، ئەم دۆخانە بۆ هونەرماندان دێتە پێش، مەرج نییە هەر کارێک کردت بگات بە بینەر، لەگەڵ ئەوەشدا من دڵخۆشم بەوەی کە لە مێشکم دابوو نوسیمەوە و کردم بە فیلم.

ئەوەی پێویستە بیزانیت: فیلمی "پرێستیژ مەسەلەسی" واتە " بابەتی ڕێزگرتن"   بۆ ماوەی هەشت هەفتە لە سینەماکانی تورکیا نمایشکرا، زیاتر لە 100 هەزار و 506 بینەری هەبوو،  بەڵام تەنیا حەوت ملیۆن لیرەی تورکی قازانجی هەبوو.

باکگراوند: مەحسوون قرمزیگول، هونەرمەندێکی دێرینی باکووری کوردستان و تورکیایە، ماوەیەکە لە پاڵ کاری میوزیک و گۆرانی کاری دەرهێنان و ئەکتەری فیلمیش دەکات.