جۆ بایدن بۆ ئیسرائیل: چەكتان پێنادەین

ئاڤا نیوز

 

سەرۆكی ئەمریكا بە گەورە بەرپرسانی ئیسرائیلی ڕاگەیاندووە، لە ئەگەری ئەنجامدانی ئۆپەراسیۆنی گەورە بۆ سەر ڕەفەح هەندێك جۆری چەك هەیە بۆیان دابین ناكەن.

 

وێنە گەورەكە: فشارەكانی ئەمریكا بۆ ڕاگرتنی ئۆپراسیۆنی زەمینی ئیسڕائیل بۆ سەر ڕەفەح بەردەوامە و ئەمریكا دەڵێت، ئەگەر هێرشی بەرفراوان و زەمینی بكرێتە سەر ڕەفەح، ئەمریكا چەندین جۆری چەك هەیە بۆ ئیسرائیلی دابین ناكات.

 

لێدوانی فەرمی: ئەنتۆنی بلینكن، وەزیری دەرەوەی ئەمریكا بە میدیاكانی وڵاتەكەی گوت:"سەرۆكی ئەمریكا زۆر بەڕوونی بە ئیسرائیلی گوتووە، ئەگەر ئۆپەراسیۆنی بەرفراوانی زەمینی بكەنە سەر ڕەفەح چەكی قورس، ئامێری پشكنین، دووربینی شەو و چەكی مامناوەندتان پێنادەین".

 

بۆچی گرنگە: ئەمریكا یەكێكە لە دابینكەرە سەرەكییەكانی چەك بۆ ئیسرائیل، لە ئەگەری ڕاگرتنی هەناردەی ئەو جۆرە چەکانە بۆ تەلئەڤیڤ، سوپای ئەو وڵاتە ناتوانێت بە ئاسانی بەردەوامبێت لە هێرشكردنە سەر ناوچەی ڕەفەح.