ئەمریکا: لەگەڵ هەولێر، بەغدا و ئەنقەرە لە پەیوەندیداین بۆ هەناردەکردنەوەی نەوتی کوردستان

ئاڤا نیوز

 

وەزارەتی دەرەوەی ئەمەریکا ڕایدەگەیێنێت، لە پەیوەندیی بەردەوامدایە لەگەڵ بەرپرسانی بەغدا، ئەنقەرە، هەولێر و کۆمپانیا ئەمریکییەکان بۆ دەستپێکردنەوەی هەناردەکردنی نەوتی کوردستان.

 

وێنە گەورەكە: لە مانگی ئاداری ساڵی 2023ـەوە هەناردەی نەوتی کوردستان لەڕێگەی بۆڕیی جەیهانی تورکییەوە وەستاوە، ئەمەش زیانی زیاتر لە 12ملیار دۆلاری بە ئابووریی عێراق گەیاندووە.

 

لێدوانی ڕۆژنامەوانی: ڤێدانت پاتەل، جێگری گوتەبێژی وەزارەتی دەرەوەی ئەمریکا ڕایگەیاند، "پەرەپێدانی ڕێگەی جیاواز بۆ گەیاندنی وزەی عێراق بۆ بازاڕە جیهانییەکان لە بەرژەوەندیی عێراق و ئەمریکایە، ئەم هەوڵانە گرنگن بۆ عێراق بۆ کۆتاییهێنان بە هاوردەکردنی گازی سرووشتیی ئێران و جێبەجێکردنی پابەندییەکانی سەبارەت بە ئاووهەوا".

 

زانیاریی زیاتر: ئەو گوتەبێژە ئەوەشی گوتووە، لە پەیوەندی ڕاستەوخۆ و بەردەوامدان لەگەڵ بەرپرسانی بەغدا، ئەنقەرە، هەولێر و کۆمپانیا ئەمریکییەکان کە بەهۆی وەستانی هەناردەکردنی نەوتەوە زیانمەند بوونە.