ئاینور دۆغان: سۆران شارێکی هونەرییە و لە هونەر تێدەگەن

ئاڤا نیوز

 

هونەرمەند ئاینور دۆغان، سەرسامە بە شاری سۆران و دەڵێت، شارێکی هونەرییە و خەڵکەکەی جۆش و خرۆشێکی زۆریان بۆ کۆنسێرتەکەم هەبوو.

 

لێدوانی فەرمیی: هونەرمەندی باکووری کوردستان ئاینور دۆغان، لە لێدوانێکی تایبەت بۆ ئاڤا نیوز گوتی: "خەڵکی شاری سۆران جۆش و خرۆشێکی زۆریان بۆ کۆنسێرتەکەم هەبوو، ئەوان حەزیان لە هونەرە و لێی تێدەگەن. شاری سۆران شوێنێکە هونەری لێی گەورە بووە."

 

زانیاریی بەدەستهاتوو: ئاینور دۆغان لە ماوەی دوو مانگی پێشوودا ئەلبوومێکی نوێی بڵاوکردەوە، بریارە لە ئایندەدا ئەلبوومێکی دیکە بە شێوەی لایڤ بڵاو بکاتەوە.

 

باگکراوەند: ئاینور دۆغان لە ساڵی 1975 لە دەرسیم لەدایک بووە، لە ساڵی 2021 خەڵاتی وۆمیکسی وەرگرت، کە ساڵانە دەبەخشرێتە باشترین گۆرانیبێژ.