دوو تووشبووی تای خوێنبەربوون و تووشبوویەكی كۆلێرا لە هەرێمی كوردستان تۆماركراون

ئاڤا نیوز

وەزیری تەندروستی هەرێمی كوردستان ئاشكرای كرد، دوو تووشبووی تای خوێنبەربوون و تووشبوویەكی كۆلێرا لە هەرێمی كوردستان تۆماركراون.

وێنە گەورەکە: 50 حاڵەتی تووشبوون بە تای خوێنبەربون لە عێراق تۆمارکراوە، بەو هۆیەوە هەشت کەس مردوون، یەكێکیان لە هەرێمی کوردستانە و لە سنووری قەزای ئاکرێ یە. 

لێدوانی فەرمی: د. سامان بەرزنجی، وەزیری تەندروستی هەرێمی کوردستان ڕایگەیاند:"لەسەرەتای دەستپێکردنی وەرزی گەرما ئامادەسازی چڕ دەکرێنەوە بۆ ڕێگریکردن لە بڵاوبوونەوەی چەند نەخۆشییەک لەوانە نەخۆشی کۆلێرا و تای خوێنبەربوون، ئەگەر لە ماوەی ڕۆژانی جەژنی قوربان ڕێنماییە تەندروستییەکان جێبەجێ نەکرێن، حاڵەتی تووشبوون بۆ سێ هێندە بەرز دەبنەوە."

زانیاریی زیاتر: تاوەکو ئێستا دوو حاڵەتی تووشبوون بە تای خوێنبەربوون و یەک حاڵەتی توشبوون بە نەخۆشی کۆلێرا لە هەرێمی كوردستان تۆمارکراون. وەزیری تەندروستی وای گوت.