لەمەوبەدوا مۆڵەت دەدرێت زەوی دابەشی دوو بکرێت، بەڵام بە مەرج..

ئاڤا نیوز

 

وەزارەتی شارەوانی و گەشتوگوزار ڕوونکردنەوەیەکی بۆ بەرێوەبەرایەتییە گشتییەكان و سەرۆكایەتیی شارەوانییەكانی هەموو شار و ئیدارە سەربەخۆكانی هەرێمی كوردستان ناردووە، بەپێی ڕوونکردنەوەکە، مۆڵەت دەدرێت بە دروستکردنی خانوو لەسەر ئەو زەوییانەی دابەشی دوو کراون.

وێنە گەورەکە: بڕیارەکەی وەزارەتی شارەوانی بۆ دروستکردنی خانووە لەسەر ئەو زەویانەی یەک پارچەی 200 مەترین و لەمەودوا هاوڵاتییان دەتوانن ئەو ڕووبەرە دابەشی دوو بکەن، بەڵام بە مەرج.

ئەوەی پێویستە بیزانیت: بەپێی ڕێنماییەکەی وەزارەتی شارەوانی، نابێت ئەو زەوییەی دابەشی دوو دەکرێت لە 200 کەمتر بێت، هاوکات نابێت ڕێژەی بینا لە %70 زیاتر بێت، هەر بەپێی ڕێنماییەکە، ئەو کەسەی مۆڵەتی خانووەکە وەردەگرێت دەبێت بەڵین بدات کە بۆ کەسی پلە یەک تا سێی خێزانەکە بێت و بۆماوەی پێنج ساڵ کاری کڕین و فرۆشتنی پێوە ناکرێت.

زانیاریی زیاتر: ئەو کەسەی مۆڵەتی خانووی دابەش دوو وەردەگرێت، پێویستە شوێنی ڕاگرتنی ئۆتۆمبێل دەستەبەر بکات، ئەو بەشەی دەمێنێتەوە بکرێتە سەوزایی.