سەرۆکوەزیران بارزانی سەنتەری ئیگڵ پۆست لە هەولێر دەکاتەوە

ئاڤا نیوز

 

بە هاوبەشی لەگەڵ وەزارەتی گواستنەوە و گەیاندنی حکومەتی هەرێمی کوردستان، کۆمپانیایەک بۆ خزمەتگوزاریی پۆستەی ناوخۆیی و نێودەوڵەتی دەکرێتەوە.

وێنە گەورەکە: ئەمڕۆ یەکشەممە 09-06-2024، سەرۆکوەزیران بارزانی، سەنتەری ئیگڵ پۆست  کە تایبەتە بە کاروباری پۆستە و گەیاندن لە هەولێر دەکاتەوە، ئامانج لێی پەرەپێدانی پۆستە و دامەزراندنی سیستەمی پۆستی دیجیتاڵ گەشەسەندنی بواری پۆستەی هەرێمی کوردستانە.

خاڵە ئەرێنییەکان: کۆمپانیای ئیگڵ پۆست بۆ خزمەتگوزاریی پۆست و گەیاندنی متمانە پێکراو بە هاوبەشی لەگەڵ حکومەتی هەرێمی کوردستان، بۆ گەیاندنی پۆست لە سەرانسەری جیهان بۆ کوردستان و عێراق و بە پێچەوانەشەوە دەکرێتەوە.

ئەوەی پێویستە بیزانیت: ئیگڵ پۆست چەندین خزمەتگوزاریی پێشکەش دەکات، لەوانە خزمەتگوزارییەکانی بۆکس، خۆ تۆمارکردن لە ئیگڵ پۆست، خاوەن هەژمارەکان دەتوانن ژمارەی ئەژمێری EP خۆیان داوا بکەن، کە بەستراوەتەوە EP-BOX.

ئەمەش بزانە: خزمەتگوزاریی گەیاندنی ناوخۆیی و نێودەوڵەتی لە ڕێگەی دەریا، ئاسمان، بارهەڵگر، ئۆتۆمبێل یان بە ماتۆرسکیل. ئیگڵ پۆست دەتوانێت بارەکان بۆ شوێنە جیاوازەکان لە سەرانسەری ئاسیا، ئەفریقا، ئەمریکای باکوور، ئەمریکای باشوور، ئەوروپا و ئوسترالیا بگوازێتەوە.