کۆمیتەی ناوەندیی پارتی بۆ تاوتوێکردنی چەند پرسێک لە کۆبوونەوەدایە

ئاڤا دیجیتاڵ

 

به‌سەرپەشتیی سەرۆک بارزانى كۆمیته‌ی ناوەندیی پارتى دیموکراتی کوردستان له‌بارەی چەند پرسێکی  تایبەت بە ناوخۆی حیزب و هەرێمی کوردستان و ناوچەکە لە کۆبوونەوەدایە .

بۆچی گرنگە:  بۆچوون و بڕیارەکانی پارتی وەک گەورەترین حیزبی باشووری کوردستان ڕاستەوخۆ کاریگەرییان لەسەر خەڵکی هەرێمی کوردستان و گۆڕەپانی سیاسی لە کوردستان و عێراق دەبێت.

تەوەرەکانی کۆبوونەوەکە: وەک ئاڤا نیوز زانیویەتی، لە کۆبوونەوەکەدا ئەم پرسانە تاوتوێدەکرێن:

یەكەم: بارودۆخی گشتیی نێودەوڵەتی، ڕووداوەكانی ئێستای جیهان و و شەڕ و هاوپەیمانێتی، گۆڕانی هاوكێشە سیاسی و سەربازییەکان و قەیرانەكان و لێکەوتەکەیان بۆ تەواوی وڵاتان هەیە.

دووەم: بارودۆخی هەرێمایەتی، گفتوگۆ لەبارەی پەیوەندییەکانی پارتی لەگەڵ وڵاتانی دراوسێ‌ و هێرشە بەردەوامەکانی سەر هەولێر و کوردستان دەکرێت. 

سێیەم: بارودۆخی عێراق، بابەتی هاوپەیمانیی ئیدارەی دەوڵەت، جێبەجێنەكردنی ماددەكانی ئەو ڕێككەوتن و هاوپەیمانێتییەی حكومەتی لەسەر پێکهیێنراوە، لەگەڵ پرسە هەنووکەییەکانی نێوان هەولێر و بەغدا، وەک  بودجە و مووچە و شایستەکانی هەرێمی کوردستان.

چوارەم: پەسندکردنی گۆڕانکارییە ناوخۆییەکانی پارتی بەتایبەت بەرپرسی لقەکان و مەکتەبەکان. 

پێنجەم: باسی ئەنجام و گفتوگۆکانی پێکهانی حکومەتە خۆجێییەکانی پارێزگاکانی کەرکووک و نەینەوا و دانانی پاریزگاری کەرکووک.

شەشەم: ئەنجامی کۆبوونەوەی دوێنێی شاندی مەکتەبی سیاسی پارتی لەگەڵ یەکێتی، ڕەوشی ناوخۆی کوردستان و پرسی هەڵبژاردنی پەرلەمانی كوردستان.

 

نوێدەکرێتەوە...