هۆکاری گیانلەدەستدانی سێیەم حاجی کورد لە سعودیە ئاشکرا دەکرێت

ئاڤا نیوز

 

ئەمڕۆ لە كاتی جێبەجێكردنی فەریزەی حەجدا، سێیەمین زیارەتكاری كورد گیانی لە دەستدا.

 

وێنە گەورەكە: لە هەرێمی كوردستانەوە زیاتر لە چوار هەزار كەس بۆ ئەنجامدانی حەج سەردانی سعوودیەیان كردووە، لە پارچەکانی دیکەی کوردستانیش هەزاران کەس چوونەتە سعودیە، ئەمڕۆ سێیەم حاجی كورد لە كاتی ڕێوڕەسمەكاندا گیانی لە دەستدا.

 

ئەوەی پێویستە بیزانیت: سێ لە زیارەتكاران كە بۆ ئەنجامدانی فەریزەی حەج لە سعودیەن گیانیان لەدەستداوە و دوانیان خەڵكی هەرێمی كوردستانن، ئەوی دیكەیان خەڵکی ڕۆژئاوای كوردستانە.

 

لێدوانی فەرمی: كاروان ستوونی، گوتەبێژی بەڕێوەبەرایەتی حەج و عومرەی هەرێمی كوردستان بە ئاڤا نیوزی گوت:"ئەو حاجییە لە كێوی عەرەفە كەووتووەتە خوارەوە و گیانی لەدەستداوە".