بەهۆی بەرزبوونەوەی نرخی جووجەڵە نرخی مریشک بەرز دەبێتەوە

ئاڤا نیوز 

بەڕێوەبەری سامانی ئاژەڵ لە هەرێمی کوردستان ڕایگەیاند، بەهۆی بەرزبوونەوەی نرخی جووجەڵە لە کێڵگە پەلەوەرییەکان، نرخی مریشک بەرز بووەوەتەوە و هەر کیلۆیەک گۆشتی مریشک گەیشتووەتە نزیکەی سێ هەزار و 500 دینار.

وێنە گەورەکە: هەرێمی کوردستان لە یەک ساڵدا پێویستی بە 146هەزار تۆن گۆشتی مریشکە، بەڵام لە نێوخۆ زیاتر لە 250هەزار تۆن گۆشتی مریشک بەرهەم دەهێنرێت، بەمەش زیاتر لە 100هەزار تۆنی هەناردەی پارێزگاکانی عێراق دەکرێت.

لێدوانی فەرمی: فیراس سدیق، بەڕێوەبەری سامانی ئاژەڵ لە هەرێمی کوردستان بە ئاڤا نیوزی ڕاگەیاند:"لە هاویناندا بەهۆی بەرزبوونەوەی پلەی گەرما، بەخێوکردنی جووجەڵە پێویستی بە سووتەمەنی زیاتر هەیە بۆبەرهەمهێنانی کارەبا و فێنککردنەوەی هۆڵەکانیان، بەمەش نرخی جووجەڵە  بەرز دەبێتەوە و لە بەرامبەریشدا مریشک گران دەبێت".

ئەوەی پێویستە بیزانیت: ئێستا نرخی یەک کیلۆ مریشک لە کێڵگە پەلەوەرییەکان دووهەزار و 800 تا 900 دینارە، تا دەگاتە دەستی خەڵک نرخی هەر کیلۆیەی دەگاتە نزیکەی سێ هەزار و 500 دینار.