لە چاوەڕوانی بڵاوبوونەوەی داتای بازاڕی کاری ئەمریکا نرخی زێڕ بەرزبووەوە

ئاڤا نیوز

نرخی زێڕ لە مامەڵەکانی ئەمڕۆ سێشەممە 30/7/2024 ئاراستەی بەرزبوونەوەی وەرگرت و وەبەرهێنەران بە وردی چاودێری بڵاوبوونەوەی داتاکانی پەیوەست بە بازاڕی کاری ئەمریکا و کۆبوونەوەی سیاسەتی نەختینەیی وڵاتەکە دەکەن. 

چیرۆکی سەرەکی: نرخی زێڕ لە مامەڵە خێراکانی بەڕێژەی 0.27٪ بۆ 2391 دۆلار بۆ هەر ئۆنسێک بەرزبووەوە. هەروەها لە گرێبەستەکانی داهاتووی بە ڕێژەی 0.4٪ کە دەکاتە 9.6 دۆلار بۆ 2439.10 دۆلار بۆ هەر ئۆنسێک بەرزبووەوە. 

هۆکارە زانراوەکان: بڕیاربەدەستەکانی سیاسەتی نەختینەیی ئەمریکا بۆ ماوەی دوو رۆژ لەمڕۆوە تاوەکو بەیانی چوارشەممە کۆدەبنەوە، تەوەری سەرەکی کۆبوونەوەکەش دیاریکردنی نرخی سووی سەرەکییە.

 

ئەوەی پێشبینی دەکرێت: پێشبینی دەکرێت لە ئاستی ئێستای خۆی لە نێوان 5.25٪ بۆ  5.50٪ جێگیر بکرێتەوە. لە هەمان کاتدا وەبەرهێنەر و مامەڵەکاران چاوەڕێی بڵاوبوونەوەی داتای پەیوەست بە بازاڕی کاری وڵاتەکەیان دەکەن، چونکە ئەنجامەکانی راستەوخۆ کاریگەری لەسەر بڕیارەکانی یەدەگی فیدراڵی ئەمریکا بۆ دیاریکردنی نرخی سوود دەبێت. 

لە لایەكی دیكەوە: نرخی زێڕ لە بازاڕەکانی هەرێمی کوردستان، بە کاریگەری نرخی زێڕ لە بۆرسەکانی جیهان و نرخی ئاڵوگۆڕی دینار بەرامبەر دۆلار، نرخی زێڕی عەیارە 24 بە 577000 دینار و عەیارە  21 بە 505000 دینار و عەیارە 18 بە 433000 دینار مامەڵەیان پێوەدەکرێت.