زیاتر لە 20 ساڵە پردێکی ستراتیژیی ئەنبار تەواو نەکراوە

ئاڤا نیوز

 

نزیكه‌ی 23 ساڵه‌ كار له‌ پرۆژه‌ی دروستكردنی پردێكی ستراتیژیی له‌ پارێزگای ئه‌نبار دەکرێت، بەڵام بە هۆکاری جیاواز تەواو نەکراوە. 

 

چیرۆكه‌ سه‌ره‌كییه‌كه‌: ساڵی 2001 به‌ردی بناغه‌ی پردی  حەقلانیە - پەروانە دانرا، بەڵام لە ساڵی 2003 به‌هۆی ڕووخانی رژێمی سه‌ددامەوە پڕۆژەکە لەکارکەوت؛ ساڵی 2013 دووبارە کارکردن لە پڕۆژەکە دەستیپێکردەوە و بەهۆی داعشه‌وه‌ جارێكی دیكه‌ وه‌ستا؛ ساڵی 2019 بۆ  جاری سێیه‌م كار لە پرۆژەکە کرایەوە، بەڵام به‌هۆی ڤایرۆسی کۆرۆناوه‌ وەستا.

 

لێدوانی فه‌رمی: عەبباس حوسێن, قایمقامی قەزای حەدیسە ڕایگه‌یاند: به‌ گوژمه‌ی 14 ملیار دینار، كاركردن له‌ پڕۆژه‌ی پردی حەقلانیە - پەروانە ده‌ستیپێكرده‌وه‌ كه‌ درێژییەكه‌ی 528 مه‌تره‌ و پانییەكه‌ی 12 مه‌تره‌.

 

بۆچی گرنگە: ئەم پردە، پارێزگای ئه‌نبار بە سه‌لاحه‌دین دەبەستێتەوە، بە تەواوبوونیشی کاریگەری لەسەر بووژانەوەی کەرتی ئابووری نێوان هەردوو پارێزگاکە دەبێ، بەڵام هێشتا تەواو نەکراوە.