پەرلەمانتارێکی عێراق: هەموارکردنەوەی یاسای لێبووردنی گشتی بە قازانجی گەندەڵکارانە

ئاڤا نیوز

 

پەرلەمانتارێکی عێراق ڕایدەگەیێنێت, دیارترین بڕگه‌ی ناو یاسای لێبووردنی گشتیی کە بڕیارە هەموار بکرێتەوە, بەجۆرێکە هەموارکردنەوەی به‌ قازانجی تیرۆرستان و گه‌نده‌ڵكاران ده‌شكێته‌وه‌.

 

وێنه‌ گه‌وره‌كه‌: هه‌مواری یاسای لێبووردنی گشتیی مافی پێداچونه‌وه‌ و دووبارە دادگه‌ییکردنەوە دەداتە  ئه‌و زیندانیانه‌ی بەڵگەی سەلماندنی بێتاوانیی پێشکەشی دادگە دەکەن, ئەمەش دیارترین برگه‌ی ناو هه‌مواركردنه‌وه‌ی یاسای لێبوردنی گشتیه‌ کە مشتومڕێکی زۆری لەسەرە.

 

لێدوانی فه‌رمی: موختار موسه‌وی، په‌رله‌مانتاری عێراق ڕایگه‌یاند: ناڕوونی لە لێکدانەوەی هەندێک بڕگەی یاساکەدا هەیە، بەتایبەتی ئه‌و برگانه‌ی په‌یوه‌سته‌ به‌مادده‌ی چواری تیرۆره‌وه‌ , ترسیش لەوە هەیە یاساكه‌ ئاسانكاریی بۆ ئازادكردنی هه‌ندێك تێرورست یان گەندەڵکار لە زیندانەکاندا بكات.

 

له‌لایه‌كی دیكه‌وه‌: ئەحمەد تایی، چالاکوانی مافی مرۆڤ دەڵێت: یاساکە ئازادکردنی زیندانیان ناگرێتەوە، بەڵکو پێداچونه‌وه‌ بەو پرۆسەی دادگەییکردنانەدا ده‌كات كه‌ لەژێر ئەشکەنجە یان به‌هۆی زانیاریی هه‌ڵه‌وه‌ وتە لە کەسی "تۆمەتبار" وەرگیراوە.