نرخی زێڕ لە چاوەڕوانی داتای هەڵاوسانی ئەمریکا بەرزدەبێتەوە

ئاڤا نیوز

نرخی زێڕ لە مامەڵەکانی ئەمڕۆدا بەرزبووەوە، وەبەرهێنەر و مامەڵەکاران بەوردی چاودێری بڵاوبوونەوەی داتای هەڵاوسانی ئەمریکا دەکەن، چونکە ڕاستەوخۆ کاریگەری لەسەر بڕیاری یەدەگی فیدراڵی دەبێت.

چیرۆکی سەرەکی: نرخی زێڕ لە گرێبەسە خێراکان بە ڕێژەی 0.22٪ بۆ 2472.49 دۆلار بۆ هەر ئۆنسێک بەرزبووەوە. هەروەها لە گرێبەستەکانی داهاتووشی بۆ مانگی کانوونی یەکەم بەڕێژەی 0.04٪ بۆ دوو هەزار و 512 دۆلار بۆ هەر ئۆنسێک بەرزبووەوە.
 

هۆکارە سەرەکییەکان: بڕیارە ئەمڕۆ ڕێژەی هەڵاوسانی ئەمریکا بۆ مانگی تەمموزی ڕابردوو بڵاوبکرێتەوە، بەگوێرەی خەمڵاندنەکان لەسەر ئاستی 3٪ سەقامگیر دەبێت، ئەمەش ڕاستەوخۆ کاریگەری لەسەر بڕیاری یەدەگی فیدراڵی هەیە بۆ ئەوەی نرخی سوو دیاری بکات. 

بابەتە ستراتیژییەکان: بە دابەزینی ڕێژەی هەڵاوسان، پێشبینی دەکرێت یەدەگی فیدڕاڵی ئەمریکا نرخی سوو دابەزێنێت، بە دابەزینی نرخی سوو پێنوێنی دۆلاریش دادەبەزێت و لە بەرامبەردا نرخی زێڕ بەرزدەبێتەوە. 

نرخی زێڕ لە هەرێمی کوردستان: نرخی مسقاڵێک زێڕی عەیار 24 بە 600 هەزار دینارە، یەک مسقاڵ عەیار 21 بە 525 هەزار دینار و یەک مسقاڵ زێڕی عەیار 18 بە 450 هەزار دینار مامەڵەیان پێوەدەکرێت.