لە ڕاپەڕینەوە بەهۆی ئۆپەراسیۆنەکانی تورکیا و ئێران 425 هاونیشتمانی گیانیان لەدەست داوە

ئاڤا نیوز  

 

 تیمی هەرێمی كوردستانی ڕێكخراوی سی پی تی، ئاماری شەهیدبوونی هاونیشتمانیانی هەرێمی كوردستانی لە ئەنجامی ئۆپەراسیۆنەكانی توركیا و ئێران بڵاو كردەوە.

کۆنگرەی ڕۆژنامەوانی: تیمی هەرێمی كوردستانی ڕێكخراوی سی پی تی ڕایگەیاند:  لە ماوەی ساڵی 1991 تاوەكو حوزەیرانی ساڵی 2024، لەنێو خاكی هەرێمی كوردستان، 845 كەسی سڤیل لە ئەنجامی بۆردوومان و ئۆپەراسیۆنەكانی توركیا و ئێران بوونەتە قوربانی، لەو ژمارەیە 425 كەسیان شەهید بوونە و 420 یشیان بریندار بوون.

 

زانیاریی زیاتر: ڕێكخراوەكە ئاشكرای دەكات، بەپێی یاسا، پەرلەمانی عێراق، حكومەتی عێراقی بەرپرس كردووە لە قەرەبووكردنەوەی ئەو هاووڵاتیانەی كە لە ئەنجامی ئۆپەراسیۆنەكانی توركیا و ئێران شەهید یاخود بریندار بوون، بەڵام گرفتی سەرەكی ئەوەیە كە داتای تەواو لەمبارەیەوە لەبەردەست نییە.

ئەوەش بزانە: بەپێی زانیارییەكانی سی پی تی لە ئەنجامی ئۆپەراسیۆنەكانی توركیا و ئێران 170 گوند لەنێو خاكی هەرێمی كوردستان چۆڵ بوون، هەروەها %93 ی بریندارەكان قەرەبوو نەكراونەتەوە و كەسوكاری%43 شەهیدەكانیش قەرەبوو نەكراونەتەوە.