گەورەترین پڕۆژەی بەخێوکردنی ماسی لە دهۆکە

ئاڤا نیوز

ساڵانە لە پارێزگای دهۆك زیاتر لە پێنج هەزار تۆن ماسی دەخورێت، گەورەترین پڕۆژەی بەرهەمهێنانی ماسیش لە پارێزگاكەیە.

ئەوەی پێویستە بیزانیت: نزیکەی 150 پرۆژەی ماسی لە سنووری پارێزگای دهۆک هەن و نزیکەی 80%ی پێداویستی پارێزگاکە دابین دەکەن، هاوکات ساڵانه پێنج هەزار و 200 تۆن ماسی لە شارەکە دەخورێت.

لێدوانی فەرمی: ڕێدیر سدقی، بەڕێوەبەری سامانی ئاژەڵ لە دهۆك بە ئاڤا نیوزی گوت:” ئێستا لە سنووری پارێزگای دهۆك تاڕادەیەكی زۆر سامانی ماسی بەشی ناوخۆی پارێزگاكە دەكات و تەنها چەند بڕێكی كەم لە دەرەوە هاوردە دەكرێت”.

زانیاریی زیاتر: گەورەترین پڕۆژەی بەرهەمهێنانی ماسی لەسەر ئاستی هەرێمی کوردستان بە ناوی (پڕۆژەی بەرهەمهێنانی ماسیی دهۆک) لە پارێزگاكەیە.

ئەمەش بزانە: نرخی یەك كیلۆ ماسی برژاو لە میوانخانەکانی دهۆك لە نێوان 14 تاوەکو 15 هەزار دینارە و ڕۆژانە هاووڵاتیان بۆ خواردنی ماسی سەردانی شوێنە گەشتیارییەكان دەكەن.