هەڵبژاردن لە ئیندۆنیزیا دەستیپێكرد

ئاڤا نیوز

 

بە بەشداریی 200 ملیۆن دەنگدەر هەڵبژاردنی سەرۆكایەتی و شارەوانییەكانی ئیندۆنیزیا بە ڕكابەریەتیی سێ كاندیدی سەرۆكایەتی و 580 كاندیدی شارەوانییەكان دەستیپێكرد.

 

وێنە گەورەكە: ئەمڕۆ تەواوی ئیندۆنیزیا ڕوو لە سندووقەكانی دەنگدان دەكەن، شەش كاتژمێر بەردەوام دەبێت لە 07:00ـی بەیانی تاوەکو 06:00 ئێوارە، 800 هەزار بنكەی دەنگدان بەڕووی دەنگدەراندا كراونەتەوە.

 

زانیاریی زیاتر: سێ بەربژێری سەرەكی ڕكابەرایەتی دەكەن، ئەوانیش ئەنیس باسێدان، پارێزگاری پێشووی جاكارتا و گێنگا پڕانۆڤۆی، پارێزگاری پێشووی جاوا، سوبیانتۆ، پێشتر وەزیری بەرگریی وڵاتەكە بووە و لە ڕێكخراوە ناحكومییەكان كاریكردووە. 

 

ئەوەی پێویستە بیزانیت: ئەم هەڵبژاردنە بە دووەم گەورەترین هەڵبژاردن لەسەر ئاستی جیهان دادەنرێت.

 

ئەوەی پێشبینی دەكرێت: سوبیانتۆ، چانسی بردنەوەی لە هەڵبژاردنەکە لە هەمووان زیاترە، چونکە زۆرترین لایەنگری هەیە و هەڵمەتی گەورەی بۆ هەڵبژاردنەكان کردووە، بەپێی ڕاپرسییەكانیش زۆرترین دەنگ بەدەست دەهێنێت.