حیزبوڵڵا كوژرانی حەوت ئەندامی بەهۆی بۆردوومانی ئیسرائیلەوە ڕاگەیاند

ئاڤا نیوز

حیزبوڵڵای لوبنان ڕایگەیاند حەوت ئەندامیان بەهۆی بۆردوومانی ئیسرائیل لە بەیانی ئەمڕۆ هەینییەوە كوژراون، ئیسرائیلیش دەڵێت لە لوبنانەوە دەیان مووشەکیان ئاراستە کراوە.

 

وێنە گەورەکە: لە کاتێکدا هەموو جیهان چاوی لەسەر ڕاگەیاندنی ئاگربەستی غەززەیە، بەڵام هێرشەکانی ئیسرائیل و حیزبوڵڵای لوبنان بۆ سەر یەکتری بەردەوامن.  

ڕاگەیێنراوی فەرمی: حیزبوڵڵای لوبنان بە فەرمی ڕایگەیاند:بەرەبەیانی ئەمڕۆ 23-08-2024، لە هێرشەکانی ئیسرائیل بۆ سەر باشووری لوبنان، حەوت ئەندامی ئەو پارتە کوژراون.

لە لایەکی دیکەوە: میدیاکانی ئیسرائیل بڵاویانكردووەتەوە: ئەمڕۆ ‌حیزبوڵڵا نزیکەی 70 مووشەکی لە باشووری لوبنانەوە بەرەو باکووری ئیسرائیل ئاراستە کردووە.