گەنمی ماوەی جووتیاران بەبازاڕ دەکرێت

ئاڤا نیوز

ئەمڕۆ یەکشەممە گەنمی ماوەی جووتیاران لەڕێگەی وەبەرهێنەرانەوە بە بازاڕ دەکرێت.

وێنە گەورەکە: ئەمساڵ حکومەتی عێراق تەنیا نزیکەی 700 هەزار تۆن  گەنمی جووتیارانی وەرگرت و هێشتا سەدان هەزار تۆن گەنم ماوە، حکومەتی هەرێمی کوردستانیش لەهەوڵدایە لەڕێگەی کۆمپانیاکانی ناوخۆ گەنمەکە ساغبکاتەوە.

 

لێدوانی فەرمی: بەرگەشت ئاکرەیی، گوتەبێژی دەستەی وەبەرهێنان بە ئاڤا نیوزی گوت: لە دەستپێشخەرییەکدا ئەمڕۆ یەکشەممە بەبازاڕکردنی گەنمی ماوەی جووتیاران لە ڕێگەی وەبەرهێنەرانەوە ڕادەگەیێنرێت.

زانیاریی زیاتر: کۆمپانیاکانی قەیوان و خۆشناو گەنمەکە لە جووتیاران وەردەگرن، ئەمڕۆش لەگەڵ دەستەی وەبەرهێنان لەسەر چۆنیەتی وەرگرتن و نرخی هەر تۆنێک گەنم ڕێککەوتن دەکەن.