له‌باره‌ی دابه‌شكردنی زه‌وییه‌وه‌ بڕیارێكی نوێ دەدرێت

ئاڤا نیوز

 

وه‌زیری شاره‌وانیی هه‌رێمی كوردستان لەبارەی ئاماده‌كارییه‌كانی دابه‌شكردنی زه‌وی بڕیارێكی نوێی دەرکرد و جەختی لە خێراترکردنی ئامادەکارییەکان کردەوە.

 

وێنه‌ گه‌وره‌كه‌: به‌ بڕیاری سه‌رۆكوه‌زیران بارزانی، زه‌وی به‌سه‌ر فه‌رمانبه‌ران دابه‌ش ده‌كرێت و ئێستاش ئاماده‌كارییه‌كان گه‌یشتوونه‌ته‌ قۆناغی كۆتایی.

 

ڕاگه‌یێنراوی فه‌رمی: به‌پێی ڕاگه‌یێنراوێكی وه‌زاره‌تی شاره‌وانی، ئه‌مڕۆ دووشه‌ممه‌ ساسان عەونی له‌گه‌ڵ ڕاوێژكاران و به‌ڕێوه‌به‌رانی گشتی و سەرۆک شارەوانییەکان لەبارەی خێراتركردنی پڕۆسه‌ی دابه‌شكردنی زه‌وی کۆبووەوە.

 

خاڵی ئەرێنی: ساسان عەونی جەختی لەسەر خێراتركردنی ئامادەكاریی شارەوانییەكان کردەوە و ڕایسپاردن ئەگەر تاوەكو ئێستا ئامادەكاریی تەواویان نەكردووە یان گرفتیان هەیە، بەزووترین كات چارەسەریان بکەن.

 

ئه‌وه‌ش بزانه‌: وەزیری شارەوانی ئاماژەی بەوەش داوە كه‌ لە 10ـی ئۆكتۆبەری ئەمساڵ، كۆبوونەوەیەكی دیكە دەكرێت و پێویستە تاوەکو ئەو وادەیە سەرجەم ئامادەكارییەكان تەواو كرابن.