گوژمەی پێویست بۆ پێنج پڕۆژەی خزمەتگوزاری لە سنووری شارەوانی ڕانیە خەرج دەکرێت

 

ئاڤا نیوز

وەزارەتی شارەوانی و گەشتوگوزار لە چەند فەرمانێكی وەزاریدا، ڕەزامەندی نیشاندا لەسەر خەرجكردنی گوژمەی پێویست بۆ پێنج پڕۆژەی خزمەتگوزاری لە سنووری شارەوانیی ڕانیە. 

 

بڵاوکراوەی فەرمی: وەزارەتی شارەوانی و گەشتوگوزار ڕایگەیاند: گوژمەی پڕۆژەكان لەسەر فرۆشتنی زەویی ڕوكنی شارەوانیی ڕانیەیە و بەمەبەستی ڕێگاسازی، قیڕتاوكردن، كۆنكرێت و بواری دیكەی شارەوانی بەگوێرەی ڕێنمایییەكانی دارایی تایبەت بە داهات خەرج كراوە.

 

ئەوەی پێویستە بیزنایت: پڕۆژەكان بریتین لە

-گوژمەی 63 ملیۆن و 602 هەزار دینار بۆ پڕۆژەی دابینكردن و چەسپاندنی بەرزە هێمای نیشاندەر.

-گوژمەی 99 ملیۆن و 502 هەزار دینار بۆ پڕۆژەی ڕێگاسازی لە چەند كۆڵانێكی گەڕەكی ڕووناكی، سنووری شارەوانیی ڕانیە.

-گوژمەی 90 ملیۆن و 450 هەزار دینار بۆ پڕۆژەی كۆنكرێتكردنی چەند كۆڵانێكی گەڕەكی ڕزگاری لە ناوەندی قەزای ڕانیە.

-گوژمەی 99 ملیۆن و 220 هەزار دینار بۆ پڕۆژەی ڕێگاسازی لە چەند كۆڵانێكی گەڕەكی شارەوانی لە ڕانیە.

-گوژمەی 99 ملیۆن و 390 هەزار دینار بۆ پڕۆژەی ڕێگاسازی لە چەند كۆڵانێكی گەڕەكی ئاشتی لە سنووری شارەوانیی ڕانیە.