چەند پەیامێک لە وەزیری ناوخۆوە لەبارەی هەڵبژاردن

ئاڤا نیوز

 

وەزیری ناوخۆی حکومەتی هەرێمی کوردستان ڕایگەیاند، بەگوێرەی ڕێنماییەکانی کۆمیسیۆنی باڵای سەربەخۆی هەڵبژاردنەکان پلانێکی ئەمنی توند دادەڕێژن.

 

وێنە گەورەکە: لیژنەیەکی باڵای ئەمنی بەسەرۆکایەتیی ڕێبەر ئەحمەد، وەزیری ناوخۆ بۆ سەرپەرشتیکردنی هەڵبژاردنی پەرلەمانی كوردستان پێکهێنراوە، ئەمڕۆ یەکەم کۆبوونەوەی ئەنجامدا و لە کۆنگرەیەکی ڕۆژنامەوانیدا ناوەڕۆکی کۆبوونەوەکەی ئاشکرا کرد.

 

لێدوانی فەرمی: ڕێبەر ئەحمەد، ڕایگەیاند: لە کۆبوونەوەکەدا پلانی سەرەتای دیراسە کراوە، بۆ ئەوەی هەڵبژاردن لە کەش و هەوایەکی سەقامگیر بەڕێوەبچێت.

 

زانیاری زیاتر: هەر لایەنێک بۆ بەدەستهێنانی دەنگ لە کاتی بانگەشە چەک دابەش بکات، دەستی بەسەردا دەگیرێت و وەک چەکی قاچاخ مامەڵەی لەگەڵ دا دەکرێت، وەزیری ناوخۆ وای گوت. 

 

لە لایەکی دیکەوە: لە کۆبوونەوەکەدا جەخت لەسەر شەفافیەتی هەڵبژاردن و پاراستنی بەربژێرەکان بەتایبەتی بەربژێرە ژنەکان لە کاتی بانگەشدا کرایەوە تا لە توندوتیژی پارێزراوبن.