وەزارەتی ناوخۆی عێراق: تەنیا چەكی قورس و مامناوەند لە هاووڵاتیان دەكڕین

ئاڤا نیوز

بەرپرسێك لە وەزارەتی ناوخۆی عێراق ڕایگەیاند، تەنیا چەكی مامناوەند و قورس لە هاووڵاتیان دەكڕنەوە.

لێدوانی فەرمی: مەنسور عەلی، سكرتێری لیژنەی هەمیشەیی بۆ ڕێكخستن چەك لە وەزارەتی ناوخۆی عێراق، بە میدیا عێراقییەكانی گوتووە "دەوڵەت لە قۆناغی ڕێكخستنەوەدایە و چەك تۆمار دەكات و لە هاووڵاتیانیش دەیكڕێتەوە، تەنیا چەكی مامناوەند و قورس لە هاووڵاتیان دەكڕن، چەكی سووك ناكڕن".

ئەوەی پێویستە بیزانیت:  هەموو سەرۆك خێزانێكی عێراقیی مافی تۆماركردنی پارچە چەكێكی هەیە بە مەرجێك تەمەنی لە 25 ساڵ كەمتر نەبێت، حكومەت بڕی ملیارێك دینار بۆ هەر پارێزگایەك تەرخان دەكات بە مەبەستی كڕینەوەی چەك لە هاوڵاتیان.

زانیاری زیاتر: حكومەتی عێراق لەو جۆرە چەكانەی دەیكڕێت پێكدێن لە بیكەیسی، ئاڕ پی كەی، دۆشكە، چەند جۆرە چەكێكی دیكەی قورس و مامناوەند، بەڵام چەكی سووكی وەك تفەنگ و دەمانچە ناكڕن و تەنيا تۆماری دەكەن.