سەرکردەکانی چوارچێوەی هەماهەنگی کۆدەبنەوە

ئاڤا نیوز  

چوارچێوەی هەماهەنگی کۆدەبێتەوە و یەکێک لە تەوەرەکانی کۆبوونەوەکەش بابەتی "تۆڕە سیخوڕییەکەی" نووسینەگەی سەرۆکوەزیران دەبێت.

وێنە گەورەکە: لە ناوەڕاستی مانگی ڕابردوو لە عێراق پەردە لەسەر تۆڕێکی سیخوڕی  لە نووسینگەی سەرۆکوەزیران هەڵدرایەوە، کاری تۆڕەکە گوێگرتن و سیخوڕی بووە بەسەر مۆبایلی بەرپرسان، هاوکات تۆڕەکە سەرۆکی ئەنجوومەنی باڵای دادوەری عێراق و ژمارەیەک بەرپرسی باڵای نێو چوارچێوەی هەماهەنگیان کردووەتە ئامانج.

زانیاریی بەدەستهاتوو: سەرچاوەیەکی ئاگەدار بە میدیای عێراقی ڕاگەیاند: ئەمڕۆ چوارشەممە 4-9-2024 لە ماڵی موحسین مەندەلاوی، جێگری یەکەمی سەرۆکی پەرلەمانی عێراق سەرکردەکانی چوارچێوەی هەماهەنگی کۆدەبنەوە.

زانیاریی زیاتر: بە گوتەی ئەو سەرچاوەیە بابەتی تۆڕە سیخوڕییەکە لەسەر مێزی کۆبوونەوەی سەرکردەکانی چوارچێوەی هەماهەنگی دەبێت.

ئەوەی پێویستە بیزانیت: دەزگای هەواڵگریی عێراق تائێستا حەوت تۆمەتباری دەستگیرکردووە، یەکێک لە دیارترین دەستگیرکراوەکان "محەممەد جوحی"، جێگری بەڕێوەبەری گشتیی فەرمانگەی کارگێڕییە لە نووسینگەی سەرۆکوەزیران و بەرپرسی پەیوەندییەکان بووە.